බඩගිනි වෙලා මා ගිය කල පුතුගේ ගෙට
මා යකිනියක ලෙස පෙනුනයි ලේලියට
දරු සෙනෙහසින් ඇඟ ලේ පෙරලුනි කිරට
අම්මාද බිරිඳද ලොකු වැඩියෙන් නුබට
සඳ වට රන් තරු කැකුළු පිපේවා
හිරුට වලාකුළු සළු පැලදේවා
පොළොවේ මිනි මුතු කැට බිහි වේවා
පුතෙකුට අම්මගේ අගය දැනේවා
ගඟුලට ඇති බර දිය වැල නේදෝ
කතරට ඇති හර සුදු වැලි නේදෝ
ළඳකට ඇති හැඩ යහ ගුණ නේදෝ
මවකට ඇති සැප දරු සැප නේදෝ
සඳ වට රන් තරු ....
ගින්නක් නැති කල දුමක් කොයින්දෝ
පින්නක් නැති කල කෙතක් කොයින්දෝ
වහලක් නැති කල ගෙයක් කොයින්දෝ
අම්මෙක් නැති කල දයක් කොයින්දෝ
සඳ වට රන් තරු ....
ගායනය : C .T . Fernando
No comments:
Post a Comment