සිතින් මා නොසැලී

සිතින් මා නොසැලී හිඳිද්දී   

කඳුල නුඹ ඇවිදින් 

නිවා දැමු ඒ නෙතේ පීඩා 

නොබිඳුණු මැනවී...

තනිව මා හඬනා වෙලාවේ 

සැලි සැලී සීතේ 

වැටුණු මහ වරුසා මතක්වේ 

නුඹ රැඳී දෑසේ 

සිතින් මා නොසැලී....

තවම මා නොදුටු සිනාකැන්  

හමු නොවූ යාමේ 

කඳුල මට කරුණා කරන්නැයි

අයදිමී නිබඳේ 

සිතින් මා නොසැලී....

ගායනය :  T.M.Jayarathna

සිනා පොදක් වී

සිනා පොදක් වී ඔබගේ දෑසේ    

නිදන්ව ඉන්නට පෙරුම් පිරූ මට 

කඳුලැල්ලක් වී ඔබගේ දෑසින් 

ගිලිහී යන්නට උරුම කලේ ඇයි

හෙවනැල්ලක් සේ ඔබ දිවි ගමනේ 

අත්වැල වන්නට පැතුම් පැතූ මා

මිරිඟුව දක්වා නෙතු යුග රවටා

වල්මත් කරදා සැඟව ගියේ ඇයි  //

මල් කැකුලක් සේ ඔබ හද උයනේ 

විකසිත වන්නට සැරසී උන් මා //       

හිත ගිනි අවුලා පියවර අහුරා 

අසරණ කරදා ඉවත ගියේ ඇයි //

සිනා පොදක් වී ....

ගායනය : Deepika Priyadarshani

තරු මල් යායම

තරු මල් යායම පොඩිකර අහස විලේ  

ඉර හඳ මිරිකා දියකර සාගරයේ 

අඳුරේ උන්නෙමි ලොවම එපාවී 

මා හැර දා ඈ ගිය දවසේ //

දුක පැවසූවෙමි අසනා කෙනෙක් නැතී

පාලු නැසුවෙමි තනියට කෙනෙක් නැතී 

තැවුණේ දැවුණේ පිරිසිදු සිතකිනි 

එකම ලඳක් වෙත පෙම් කළ උමතුවෙනි 

තරු මල් යායම ....

නුවර උයන් මැද හමු වූ ලඳුන් නැතී   

යටැසින් බැලූ නෙත් පෙරදා බැලුම් නැතී 

තැවුණේ දැවුණේ පිරිසිදු සිතකිනි 

එකම ලඳක් වෙත පෙම් කළ උමතුවෙනි 

තරු මල් යායම ....

ගායනය : Gunadasa Kapuge 

අපි ආයේ දවසක

අපි ආයේ දවසක හමු වෙමුද මේ අද වාගේ  

වැහි ඉර ගිලෙයි මුහුදේ 

කළුවර පිපෙයි දෙපසේ 

වෙන්වෙමු ඉතින් හමුවෙන සිතින් 

අපි ආයේ දවසක අද වාගේ 

අදින් පසු ඔබ ඔබට හිමි වග 

ඉතින් මා මට උරුම නැති වග 

ආයෙමත් හමු වෙන තුරා 

දෙතැන ඉමු අපි මග බලා 

අපි ආයේ දවස....

තුටින් හමුවුන සුහද බව අප     

අරන් යමු අපේ මතක මැදුරට 

ආයෙමත් හමු වෙන තුරා 

එකම තැනකදී ජීවිතේ 

අපි ආයේ දවස....

ගායනය : Dayan Witharana

සඳ හැංගිලා

සඳ හැංගිලා මා තුරුල්ලේ   

සිත නැංගුරම්ලා දුක හංගලා //

නිල්  නුවන් නෙත් කැරැල්ලේ 

පෙම් සිනා  කැන් නාන්වලා

තව ලං වෙලා ...

ආදරේ මා නිවාලයි.. ///

පුළුලුකුළු මල් අනන්තේ 

මල් පිපි ලැම වසන්තේ 

සුවඳ මල් රොන් සිඹිමින් 

ළඟ හිඳිමින් 

මා නිවෙනවා ... මා නිවෙනවා

සිත සැනසුමින්.. මේ උණුසුමින් 

ආදරේ මා නිවාලයි.. ///

සඳ හැංගිලා ....

සඳකැන් සළුව ඇන්දේ    

මදු මල් සිඹින්නද  නින්දේ 

සුපසන් වී බැඳීමින් 

සන්සිදිමින් 

මා නිවෙනවා ... මා නිවෙනවා

අත් බැඳීමින් ... මේ විඳිමින් 

ආදරේ මා නිවාලයි.. /// 

සඳ හැංගිලා ....

ගායනය : Amila Perera

එක් පෙති මලක්

එක් පෙති මලක් විය නුඹ මගේ අත් දෙකට  

නෙලා නොගත්තේ මගේ සත් කමට

හැර ගිය දිනේ නාවත් මා ගම් දොරට 

ආවේ ඇයිද විරහේ සිත අද්දරට

විස්මිත ගමට අදහන්නට බෑ තවම 

මා හැර දමා නුඹ ගිය මග දැන අරුම 

සතු කරගන්න මුල් පෙම නොපිදු බැවින 

දුක් බර හිතට කීවෙමි නොහඬන ලෙසින 

එක් පෙති මලක් ..... 

සිටිනා කොදෙව්වක නුඹ සැප විඳි නම්     

මවෙතින් ලැබුණු ආදරයක් ලැබේ නම්

මතකය නුඹට හිරිහැරයක් නොවේ නම් 

තව කුමකටද දුක් ගී කල්පනාවන් ///

ගායනය : Rohan Shantha Bulegoda

වැහි දිය මහ

වැහි දිය මහ බිම තෙමුවට 
බිම තෙමන්නේ වැහි විතරද 

රෑ අහසේ තරු තිබුනට 
තරු තියෙන්නේ රෑ විතරද

විහඟුන් කැල ගී ගැයුවට
ගී කියන්නේ උන් විතරද 

මට නුඹ විතරක් උනාට 
නුඹට ඉන්නේ මං විතරද 

රෝස පතක කවි ලිව්වේ 

සුවඳ දිදී තියාගන්න 

මේ විදියට ගී ගැයුවේ 

ඉන්න තැනක දී ඇහෙන්න 

උස අත්තක මලක් උනේ 

ගව් ගණනක් දුරින් ඉන්න      

අවසානේ උරුම උනේ 

මල් පොකුරක එකක් වෙන්න      

වැහි දිය මහ බිම තෙමුවට ...

ගායනය :  Deepika Priyadarshani